i) Probleme veroorsaak deur temperatuurskommelinge word grootliks verhoog met 'n afname in kweekhuisgrootte en dit word byna onmoontlik om die hoë somer temperature te beheer wat karakteristiek is van ‘n klein kweekhuis.

ii) Onthou volgende : looparea tot kweekarea verhouding kan 40% vir ‘n klein kweekhuis wees en verbeter na 25% met groter struktuur.

iii) Meeste kweekhuise se hoogste punt is in die middel en dus geskik vir lang plante, maar hoe word dit bewerkstellig as die loopareas juis in die middel van ‘n klein kweekhuis geleë is?

iv) Die aanbeveelde grootte moet byna vierkantig wees, maksimale gebruik word so bewerkstellig naamlik 4,3m x 4,3m = 18,m² dus byna dubbel.  Dubbel in grootte verdubbel nie die verhittingskoste nie, slegs ‘n toename van ongeveer 30%, die verhittingskoste per planteenheid word dus aansienlik verminder.

i) Lig

ii) Temperatuur

iii) Humiditeit

i) Ligintensiteit 100 000 Lux

ii) Maksimum temp (in somer) 33°

iii) Minimum temp (in winter) 0°

iv) Relatiewe humiditeit 20-60%.

4.1) Metodes om indringing van hitte te beperk:  Die eerste en moontlik mees voor die handliggende metode, is om skadu te gebruik. Die gebruik van skadunet met die regte skadufaktor bo-oor die dakbedekking (laat verkieslik 'n 200mm spasie tussen skadunet en die dak) is meer doeltreffend as verouderde verfmetode. Daarmee saam gebruik glasvesel en ander plastiekmateriale, met ‘n reeds ingeboude skadufaktor, eerder as om te verf. Die tweede metode om hittindringing te beperk is om materiaal te gebruik wat hitte deurlating beperk, byvoorbeeld deur die symure van die kweekhuis tot gewensde hoogte met bakstene te bou (ook ‘n kostebesparing).  Verder is die hitteverlies in die winter ook laer en gevolglik is die koste van verhitting ook minder. ‘n Derde metode is om die kweekhuis korrek te orienteer ten opsigte van die son.  Noord-Suid orientasie bring geweldige hittelas in die somer, swak in die winter. Terwyl die son vir 'n oos-wes orientasie in winter byna loodreg skyn en nooit in die somer nie.'n Vierde metode van beperking is om ligdeurlaatbare dele  van die kweekhuis met ‘n lugkussing te voorsien.  Dit is die sogenaamde dubbellaag en vind toepassing in hitteverliese sowel as hitte indringing teen te werk.  Dit kan ‘n verlaging van die maksimum temperatuur van 5°C.  Die spasie tussen die twee lae moet lugdig en ongeveer 100mm tussen die lae wees.

4.2) Natuurlike ventilasie: Natuurlike ventilasie maak gebruik van die feit dat warmlug opstyg en dus van onder af met koel lug vervang kan word.  ‘n Klasieke kweekhuis het verstelbare ventilasie-opening in die dak en ventilasie opening in symure naby die grond.  Hierdie metode van verkoeling werk die beste wanneer die dak relatief hoog is.  Deesdae is turbines ook beskikbaar wat deur warmlug aangedryf word en baie effektief is.

4.3) Meganiese verkoeling: Meganiese verkoeling kan net die natuurlike ventilasie aanhelp of daar kan van verdampingsverkoeling gebruik gemaak word.  Verdamping-verkoeling kan onderverdeel word in metodes wat ‘n negatiewe druk in die kweekhuis tot gevolg het (met baie hoë eise aan die kweekhuis konstruksie) en metodes wat ‘n positiewe druk in die kweekhuis tot gevolg het.

4.4) Slegs ventilasie: Warm lug kan by die nok van die kweekhuis uitgesuig word.  Teen een lugruiling per minuut in die kweekhuis sal die temperatuur stabiliseer teen 6°C bo die omgewingstemperatuur. Die waaier kan ook onder in die kweekhuismuur geplaas word en dan word lug van buite in die kweekhuis ingeblaas.  Gewoonlik sal meeste lug deur die beplande openinge in die nok ontsnap.

4.5) Verdampingsverkoeling: Deur vog by die lug te voeg wat die kweekhuis binnekom met meganiese ventilasie, kan die humiditeit op die gewensde vlak gehou word, en kan die kweekhuis tot onder die omgewingstemperatuur laat afkoel.  Dan word dit egter belangrik dat lug net by die punt waar vog bygevoeg word, die kweekhuis binnekom.

4.6) Voor en nadele van uitsuig of inblaas: Wanneer die lug in die kweekhuis baie droog is kan dit met hierdie metode  tot 7°C onder omgewingstemperatuur verkoel word. Verdampingsverkoeling is nie effektief in streke waar temperatuur en humiditeit reeds hoog is nie. Die mees algemene metode wat gebruik word om verdampingsverkoeling te bewerkstellig is om vars lug deur ‘n sogenaamde natmuur die kweekhuis te laat binnekom.  Vir elke 70 liter lug per sekonde wat uitgesuig word, moet een vierkante meter natmuur verskaf word.  Gewoonlik word van 0,75 tot 1 lugruiling per minuut gebruik gemaak.  Die hoeveelheid water wat benodig is vir die natmuur is ongeveer 0,06 - 0,16 liter per sekonde per meter muurlengte. Vroeër was kooks en later houtwol gebruik as materiaal vir die natmuur.Die materiale pak saam en sak af wat groot openinge veroorsaak waar droëlug instroom.  Vandag word gegolfde sellulose en ander kunsvesel meestal gebruik.  Die grootste nadeel van die metode is faling van die elektriese krag toevoer, die kweekhuis is dan "geslote" en die temperatuur styg baie vinnig. Eenhede is egter beskikbaar waar die verdampingsverkoeler die lug deur ‘n natmuur suig en dan in die kweekhuis blaas, die sg. eenheidsverkoelers. Die kweekhuis is onder positiewe druk met gevolg dat dakopeninge en ventilasieopeninge op die grond oopgelaat word.  Indien die krag sou  faal, kan natuurlike ventilasie keer dat die temperatuur te hoog styg.  Poli-etileenpype onder die banke kan gebruik word om lug egalig te versprei, anders skep ons mikroklimate in die kweekhuis vir gemengde kweekstelsels.

5.1) Verdampingverkoeling verhoog die relatiewe humiditeit in ‘n kweekhuis tot aanvaarbare vlakke mits dit ‘n koelhuis is. Twee metodes word algemeen toegepas nl. die sogenaamde natmuur metode, of waterkombers wat met fyn sproeiers bewerkstelling word.

5.2) Nat vloere maak ook ‘n groot bydrae tot lugvogtigheid. In die geval, kan nat gruis, of klip gebruik word of groot bakke water onder plant tafels.

5.3) Missproeiers is sekerlik die mees geslaagde metode om die lugvogtigheid te  verhoog, sonder dat die plante of groeimedium te nat gemaak word wat wortel vrot tot gevolg het.

i)   Baie duur stelsels met hoëdruk waterpompe word gebruik met groot sukses.

ii)  Lae druk stelsels (2-6 bar druk) werk redelik goed, mits daarop gelet word dat groter druppels vorm, en plante nat word. Om die probleem te oorbrug, installeer die misspuitkoppe hoog in die dak regoor die loopgange.

iii) Draaiende skyf metode. Die metode werk ook baie goed, alhoewel baie duur indien groot kweekhuise met baie eenhede toegerus moet word. In beginsel is dit ‘n hoëdruk pomp wat water teen ‘n baie vinnige draaiende skyf spuit wat die water verstuif in klein druppels.  ‘n Waaier agter die sisteem blaas die missproei in die gewensde rigting in die kweekhuis.

6.2) Elektriese verhitting: Elektriese verhitting is nie die mees ekonomiese stelsel nie maar wel die kleinste kapitale uitleg. Baie eenvoudige termostatiese beheerstelsel word benodig om die verhitter te bedryf.

6.3) Parafien branders : Die stelsels werk baie goedkoper as elektriese stelsel en word ook met ‘n termostaat beheer. Nadele van so ‘n stelsel is die hoë kapitale uitleg vir so ‘n stelsel.

6.4) Steenkool branders:Dit is die mees ekonomiese verhitting stelsel, soortgelyk aan die droërs wat vir tabak gebuik word. Nadele van die stelsel is: Kan nie in rookvrye areas gebuik word nie.Verdere nadeel is die hoë kapitale uitleg, en dit is ‘n baie groot stelsel vir groot kweekhuise.

7.1) Aanskakel van verwarming met ‘n termostaat.

7.2) Aanskakel van verdampingsverkoeler met ‘n termostaat wat die waaier, pomp en elektriese kraan aanskakel.

7.3) Oopmaak van ventilasie openinge met dempmotors, of dempers wat pasief met temperatuur uitsetting oopmaak.

7.4) Aanskakel van besproeing van plante op sekere dae en ander dae slegs loopgange en onder banke.  Outomatiese kunsmis toediening een of twee keer per week.